កំណាព្យ ស្នេហា ពីមនុស្សស្រីម្នាក់

១. សាយណ្ហកាលក្រាលលម្អងពណ៌មាស
ដុំពពកពេញពាសគ្របដណ្តប់ដៃព្រែក
ឈររង់ចាំបងឆ្លងស្ពានរយលានសង្វេគ
សូរ្យកាន្តលាមេឃអូនបិទភ្នែក បង្ហូររាល់ក្តីឈឺផ្សា។

២. បង្ហើរប្រាប់ពៅអូននៅទន្ទឹង
ស្ពានចាស់ឈរធ្មឹង សម្លឹងរកត្រើយវាសនា
អូនទុកចិត្តស្មោះ លើកោះជាយដែនសីមា
ទុកស្នេហ៍យើងក្រោមបាតជលសា ប្រាថ្នាថ្ងៃមួយជួបបង។

បន្ទរ. បើស្រែអំបិល នាំបងវិលមកជួបស្រី
នាំទាំងភក្តី ដែលថ្លៃធ្លាប់មានកន្លង
ទោះវេលាខ្លី ដែលស្រីអាចនៅក្បែរបង
ក៏នៅតែផ្សង សូមបងថ្នមមុនលាទៅ។

៣. ចាបព្រៃកុំយំ បើព្រឹកពុំឃើញខ្ញុំមក
សូមទឹករលក កួចយករាល់ស្នេហ៍ហ្មងសៅ
កួចផ្ការុះរោយ អោយរីកក្នុងព្រែកសែនជ្រៅ
រាល់អនុសារបងនិងពៅ សូមដិតដាមនៅទីនេះ។

Comments

Post a Comment

Popular posts from this blog

តម្លៃមនុស្ស

Image
តម្លៃរបស់មនុស្សស្ថិតនៅត្រង់ណា? នៅក្នុងសង្គមយើងនេះ បុគ្គលមួយចំនួនបានឱ្យតម្លៃមនុស្សខុសៗគ្នា ខ្លះឱ្យតម្លៃលើចំណេះដឹង ប្រាជ្ញា គំនឹត ខ្លះទៀតឱ្យតម្លៃរបស់មនុស្សលើតួនាទី មុខតំណែង បុណ្យសក្តិ អំណាច រីឯបុគ្គលខ្លះឱ្យតម្លៃមនុស្សលើទ្រព្យសម្បត្តិ ។ល។ សូមបងប្អូន មិត្តទាំងអស់អានទស្សនៈខាងក្រោម ហើយយកពេលវេលាបន្តិចពិចារណាសាកល្បងមើល បន្ទាប់មកសូមឆ្លើយ តើតម្លៃរបស់មនុស្សស្ថិតនៅត្រង់ណា? -មនុស្សទាំងឡាយមានបរិសុទ្ធបាន ដោយការងារដែលខ្លួនបានធ្វើត្រូវ,  ដោយវិជ្ជាដែលខ្លួនចេះដឹងពិតប្រាកដ, ដោយគុណធម៌ដែលខ្លួនបានប្រតិបត្តិល្អ, ដោយសីលធម៌ដែលខ្លួនបានអប់រំប្រពៃ ជីវិតខ្ពង់ខ្ពស់ និងមិនមែនដោយទ្រព្យសម្បត្តិនោះទេ។ -អាយុជីវិតក្តី ទ្រព្យសម្បត្តិក្តី និងឋានៈ បុណ្យសក្តិ វាពុំមែនជាតម្លៃពិតរបស់មនុស្សឡើយ គឺសីលធម៌និងគុណធម៌នោះទើបជាតម្លៃរបស់មនុស្ស។ -តម្លៃដ៏ពិតប្រាកដរបស់មនុស្ស គឺការឈានទៅដល់ភាវៈដែលចាកផុតពីអត្តានិងកិលេសផ្សេងៗ។ ទ្រព្យសម្បត្តិ បុណ្យសក្តិ អំណាចមិនមែនជាគោលការណ៍ចម្បងនៃការរស់នៅរបស់មនុស្សឡើយ។ -តម្លៃពិតរបស់មនុស្សជាតិ គឺត្រូវប្រកាន់ឲ្យបានខ្ជាប់ខ្ជួននូវព្រហ្មវិហារធម៌ អហិង្សាធម៌ សច្ចធម៌ ការ អធ្យាស្រ័យ និងការសន្តោសប្រោសប្រណី សុចរិតធម៌
Read more

ដូចម្ដេចដែលហៅថាការលក់ និង ការទិញ?

    លើលោកនេះ ឬ និយាយរួមសង្គមមនុស្ស គឺសុទ្ធតែអ្នកលក់និងអ្នកទិញ គ្មានបុគ្គលណាដែលមិនចេះលក់ មិនចេះទិញនោះទេ គ្រាន់តែមានមនុស្សខ្លះគេចេះឆ្នៃប្រឌិតទៅតាមជំនាញទេពកោសល្យ និង ការបណ្តុះបណ្តាលបន្ថែមប៉ុណ្ណ៉ោះ។តែអ្វីដែលសំខាន់ក្នុងមានជាមនុស្សចាំបាច់ត្រូវរស់ដោយគុណធម៌ ចឹងមិនថាក្នុងរបរអាជីវកម្មអ្វីក៌ដោយគឺត្រូវចេះអោយតម្លៃគ្នាទៅវិញទៅមក ចៀសជាងការយកចំនេញលើគ្នាទៅវិញទៅមក ព្រោះយើងក៌ជាអ្នកលក់ និង ក៌ជាអ្នកទិញដែល។ -អ្នកលក់ជាគឺជាអ្នកផ្គត់ផ្គង់តម្រូវការ ដូចជាកំលាំង សំភារៈ សេវាកម្មផ្សេងៗ និង ប្រាជ្ញា ឬ ស្នាដៃ...។ -អ្នកទិញគឺជាអ្នកត្រូវការ កំលាំង សំភារៈ សេវាកម្មផ្សេងៗ និង ប្រាជ្ញា និង ស្នាដៃ...ព្រោះអ្នកជាអ្នកដែលត្រូវការរបស់ទាំងអស់យកមកផ្គត់ផ្គង់អោយខ្លួន។   ពាក្យមួយដែលគេនិយាយថា អថិជនដូចជាស្តេចខ្ញុំមិនទទួលយកបានទេ បើអ្នកលក់គិតបែបនេះអ្នកទិញនឹងរិទ្ធតែបានចិត្តថាយើងច្បាស់ជាចង់បានតែលុយគេជាពុំខាន។    យើងអ្នកលក់ចាំបាច់ត្រូវប្រកាន់គុណធម៌ និង មនសិការ ភាពស្មោះត្រង់ ក្នុងនាមជាអ្នកលក់។មិនមែនចំនេញថ្ងៃនេះហើយស្អែកគេដឹងគេនិឹងលែងមែនមានទំនុកចិត្តលើយើងជាពុំខាន។    អ្នកលក់ដែលសាងទំនុកចិត្តអោយអ្នកទិញបាន នោះអ្នកទិញនឹងមិនងាយងាករេទៅទិញផលិតផលទស
Read more

តម្លៃនៃមនុស្សស្ថិតនៅត្រង់ណា?

មនុស្សយើងមានតម្លៃ ស្តែងឡើងដោយការងារ ការងារមាន3 -ដើម្បីលុយ -ដើម្បីលុយផង ឧត្ដមគតិផង -ដើម្បីមសិការ និង មនោសញ្ចេតនា មនុស្សដែលមានតម្លៃ លុះត្រាណាគេមាន គុណធម៌ធ្វើជាមនុស្ស ការងារធ្វើជាមនុស្ស និង ការរស់នៅជាមនុស្ស។ ប្រភព អាត វាសនា
Read more