ជាតិជាស្រ្តី
១-មនុស្សអើយ មនុស្សស្រី
អ្នកអភ័ព្វក្រៃ នៅលើលោកា
អ្នកជាប្រពន្ធ អ្នកជាមាតា
អ្នកជាបុប្ផា គេស្រោចទឹកក្តៅ។
២-មនុស្សអើយ មនុស្សស្រី
ចិត្តអ្នកភក្តី គេដៀលថាខ្លៅ
រស់បម្រើប្រុស នៅលើលោកី
អភព្វ័ម្លេះស្រី តាំងពីថ្ងៃកើត។
៣-រស់ស្ទើរតម្លៃ ដូចច័ន្ទរនោច
ជីវិតផ្សាខ្លោច រស់ខ្វះរស្មី
ត្បិតគេហៅម៉ែ តែគ្មានតម្លៃ
ព្រោះជាតិជាស្រ្តី ទេសករតណ្ហា។
៤-កើតមកស្អាតស្រស់ គេបោះសម្តី
នាងនោះជាស្រី របស់តាតា
នាងរូបអាក្រក់ គេខ្ពើមរអា
នាងស្អាតអស្ចារ្យ រស់ក្បែរសំណរ។
៥-គ្រាន់កើតមកស្អាត ក៏មានកំហុស
ចំណីប្រុសៗ ព្រោះតែរូបល្អ
ស្រលាញ់ដណ្តើម ប្រចណ្ឌបង្ក
ភ្នាល់គ្នាលាបពណ៌ ដណ្តើមបំផ្លាញ។
៦-មនុស្សអើយ មនុស្សស្រី
ជួបស្នហ៍ភក្តី មហាសំណាង
បើមានកូនល្អ តាមធម៌គន្លង
នោះអស់អ្នកផង សរសើរបុណ្យនាង៕
ប្រភព fb acc អ៊ុក ប៊ុនយ៉ុង
Comments
Post a Comment