ថាមពលនៃទីបំផុតរបស់ចក្រវាឡ និងដើមហេតុបង្កការផ្ទុះដ៏មហិមា
ថាមពលនៃទីបំផុតរបស់ចក្រវាឡ និងដើមហេតុបង្កការផ្ទុះដ៏មហិមា (Core of the ultimate power and the cause of Big Bang)។ (រឿងប្រឌិត ដកស្រង់ពីឯកសារចម្រុះ ចងក្រងជាសាច់រឿងមួយមកពិចារណា)
សាក្សីទាំងបី ដែលគ្មានអ្នកណាផ្សេងអាចដឹងបានថា តើមានរឿងអ្វីនៅពីក្រោយការឲ្យមានហេតុដូច្នោះ? ថាមពលនៃទីបំផុតស្ទើរបានបង្រួមរួចរាល់ទៅហើយ តែបែរមានហេតុភេទកើតឡើង ចុងក្រោយមហាថាមពលនោះក៏ត្រូវបានបន្ទុះឡើងកក្រើកលំហជ្រាបឋានទាំង១២ ដោយកំលាំងមហិមានោះ។ សូម្បីតែខ្យល់ក៏ត្រូវឆេះ រលាយអស់ដែរ, ក្នុងនោះមានថាមពលដ៏ខ្ពស់ខ្ពស់៣ គឺ ថាមពលអូមេហ្គា(Multiple Power), ថាមពលទំនាញ (Gravitation Power) និងថាមពលងងឹត (Dark Power)។
ការថ្លឹង និងបង្រួបបង្រួមថាមពលទាំងបីបញ្ចូលគ្នាត្រូវមានលក្ខខណ្ឌប្រាកដ ដោយពុំអាចមានអ្វីមិនល្អគិតក្នុងចិត្តឡើយ។ តែក្នុងចំណោមសាក្សីទាំងបីនោះ ប្រាកដណាស់គឺមានម្នាក់មានចិត្តមិនបរិសុទ្ធ ទើបដំណាក់កាលចុងក្រោយត្រូវបានខូច។
Shiva ជាឧត្តមព្រះដែលមានកំណើតកើតឯង¹ នាមជាព្រះបង្កើតសកលលោក ហើយក៏ជាព្រះនៃរិទ្ធានុភាពផងដែរ អំណាចពិសេសរបស់ទ្រង់គឺការសមាធិ សង្រួមចិត្ត ដែលហេតុនេះហើយទើបទ្រង់គឺជាអង្គម្នាក់គត់ដែលអាចសង្រួមថាមពលទាំង៣ចូលគ្នាបាន។
Vishnu ជាឧត្តមព្រះកើតឯងដូចគ្នា នាមជាព្រះរក្សាសកលលោក និងជាព្រះគ្រប់គ្រងថាមពលទាំង៣។
Brahma ជាឧត្តមព្រះកើតឯងដូចគ្នា នាមជាព្រះគ្រប់គ្រងអង្គទេវតា និងភាវៈទាំងឡាយ កាន់កាប់តែថាមពលអូមេហ្គាមួយគត់ គឺល្មមគ្រប់គ្រាន់គ្មានអ្នកអាចប្រឆាំងបានហើយ (អង្គទេវតាធម្មតា)។
អង្គឧត្តមទាំង៣ ស្របស្រួលគ្នាធ្វើកិច្ចមួយដើម្បីស្ថេរភាពសកលទាំងមូល ដើម្បីនិរន្តភាពសកល។ តែជាអកុសល ហេតុការអាក្រក់ក៏កើតមានឡើយ......(រឿងបន្តទៅក្នុងអត្ថបទមុន "គ្រាប់ពូជចុងក្រោយរបស់ឧត្តមព្រះ" បើចង់យល់ច្បាស់ ចូរបកទៅអានអត្ថបទមុននោះចុះ)
ក្រោយសំណល់ចុងក្រោយរបស់អង្គ Shiva ដែលបានបន្សល់ទុកក្នុងរាងកាយមនុស្សបច្ចុប្បន្ន ដែលនេះមិនមែនទើបតែមានរឿងកើតឡើងក្នុងភពផែនដីនោះទេ តែត្រូវបានឆ្លងកាត់រាប់ភពមកហើយ រួមទាំងប៉ែកភពទាំងពួងផងដែរ។ គ្រាប់ពូជនោះត្រូវបានយកមកលាក់ទុកក្នុងសត្វដ៏សាមញ្ញមួយរហូតបង្កើនពូជរាប់លានក្បាល ក្រោយមក ពូជដ៏ឧត្តមនោះបន្តស្វែងរកធាតុពិតខ្លួនអស់កាលរាប់លានឆ្នាំ រហូតមានបុគ្គលមួយរូបអាចសម្រេចបានភាវនាធម៌កំពូលរបស់អង្គShiva ១០០% នាជាង២ពាន់ឆ្នាំមុន ដោយពេលនោះមានទេវតារាប់លានអង្គ ដោយរួមទាំងនិមិត្តរបស់មហាព្រហ្ម(Brahma)ផងក៏យាងចុះមកអបអរផងដែរ (ការរស់ឡើងវិញនៃពូជឧត្តមព្រះ Shiva)។
យ៉ាងណាក្តី សង្គ្រាមសកលលោកមិនចប់នោះទេ។ ថាមពលទាំង៣បានរសាត់ពាសពេញសកល និងឋានទាំងអស់ទៅហើយ។ ក្រុមក្បត់ដែលមានចិត្តមារ កំពុងព្យាយាមរកគ្រប់មធ្យោបាយដើម្បីប្រមូលថាមពលទាំងនោះមករួមគ្នាវិញដើម្បីគ្រប់គ្រងសកលលោក។
ទំនាយរបស់ឧត្តមShivaបានយល់រួចទៅហើយថា "កម្មទាំងនោះវាត្រូវតែមានដំណើរបែបនោះ វានឹងបញ្ចប់់ដោយខ្លួនឯង" មានតែដំណើររត់ទៅរកភាពដើមទេគឺជាទីបញ្ចប់ និងជាទីសុខសុវត្ថិភាពបំផុត នោះគឺការមិនកើតវិញ (និព្វាន ចំនុចចាប់ផ្តើមនៃការកើតមុនបន្ទុះ)។
ឯទំនាយ ឧត្តមព្រហ្ម(Prahma) គឺស្ថិតក្នុងភាពវិលវល់រកកន្លែងចប់ពុំទាន់ឃើញនៅឡើយទេ។ ឧត្តមព្រហ្មនៅតែព្យាយាមដេញប្រមូលថាមពលទាំងនោះមកវិញ ស្របពេលដែលឧត្តម Vishnu ព្យាយាមបង្វែងដានព្រហ្មដោយបង្កើតប៉ែកភពដូចៗគ្នាឲ្យព្រហ្មវង្វេង។
ហេតុអ្វី ឧត្តមVishnu ព្យាយាមធ្វើបែបនោះ? ប៉ែកភពដូចៗគ្នា (Multiverse) មានឥទ្ធិពលយ៉ាងណាចំពោះគ្នាទៅវិញទៅមក? ហើយមួយណាជាតួអង្គភពពិត?
បើតាមទស្សនៈរបស់ ឧត្តម Shiva ក៏ដូចព្រះពុទ្ធអង្គបានយល់ និងឃើញច្បាស់នោះគឺ "គ្មានអ្វីពិត និងគ្មានអ្វីមិនពិតនោះទេ ពិតដូចមិនពិត មិនពិតដូចជាពិត តែចិត្តស្វែងរកផ្លូវត្រូវវិញទេ(ចាកចោលកិលេសតណ្ហា) ដែលជាផ្លូវត្រូវ និងជាផ្លូវបញ្ចប់ពិត"៕
សូមអរគុណដល់ការអាន, សូមរក្សាសិទ្ធិគ្រប់បែបយ៉ាង។
ប្រភព acc wong sophal
Comments
Post a Comment