ភាពខុសប្លែកគ្នារវាងជនជាតិអាមេរិកនិងវៀតណាម
ប្រព័ន្ធផ្សព្វផ្សាយវៀតណាមស្រាប់តែព្រមាន និងរិះគន់ចរិតពលរដ្ឋខ្លួន…
អ្នកគួរចំណាយពេល ៥ នាទី អានហើយយកទៅដេក ដើរ ឈរ អង្គុយ ពិចារណា៖
ភាពខុសប្លែកគ្នារវាងអាមេរិក និងវៀតណាម
– ជនជាតិអាមេរិក មិនចូលចិត្តអ្នកដទៃដឹងថាខ្លួនមានលុយ ចំណែកជនជាតិវៀតណាមរកគ្រប់វិធី ដើម្បីឲ្យគេដឹងថា… អញមាន!
– ជនជាតិអាមេរិក ព្រលែងសត្វឲ្យចូលព្រៃ ។ ជនជាតិវៀតណាម ចូលព្រៃចាប់សត្វ ។
– ជនជាតិអាមេរិកនិយាយតិចធ្វើច្រើន ។ ជនជាតិវៀតណាមនិយាយច្រើនធ្វើតិច ពេលខ្លះធ្វើខុសនឹងពាក្យខ្លួននិយាយទៀតផង ។
– ជនជាតិអាមេរិកពេលចេញទៅប្រទេសក្រៅ ស្វែងរករៀនអ្វីដែលល្អ រីឯជនជាតិវៀតណាមស្វែងរកកន្លែងកម្សាន្តសប្បាយប្លែកៗទៅវិញ ។
– ជនជាតិអាមេរិកថើបគ្នាតាមផ្លូវ នោមក្នុង W.C ចំណែកជនជាតិវៀតណាម ថើបគ្នាក្នុង W.C នោមតាចិញ្ចើមថ្នល់ ។
– នៅអាមេរិក មេកើយកាដូឲ្យកូនចៅ នៅវៀតណាមកូនចៅត្រូវកាដូឲ្យមេកើយ ។
– នៅអាមេរិក គេហូបចុកប្រញាប់ៗទៅធ្វើការ នៅវៀតណាម គេធ្វើការប្រញាប់ៗ ដើម្បីទៅដើរលេង ។
– បុរសអាមេរិក ចប់ការងារវិលចូលផ្ទះភ្លាម បុរសវៀតណាមនៅក្រវែលតាមហាងផឹកស៊ីសិន ។
– នៅអាមេរិក គេដើរលេងបណ្តើររើសសំរាមបណ្តើរ នៅវៀតណាមដើរលេងបណ្តើរ ចោលសំរាមបណ្តើរ ។
– នៅអាមេរិក ពេលដើរប៉ះគ្នា គេចាប់ដៃសុំទោសស្រុះស្រួលគ្នា នៅវៀតណាមមិនស្រួលប្រើដៃជើងយកចាញ់ឈ្នះ ។
– ជនជាតិអាមេរិក ថ្ងៃចុងសប្តាហ៍ នាំគ្រួសារទៅលេងក្រៅក្រុង នៅវៀតណាម នាំគ្រួសារចូលកណ្តាលក្រុងលេងវិញ ។
– នៅអាមេរិក ផ្ទះឆ្ងាយពីផ្លូវថ្លៃ នៅវៀតណាមបែរជាថោក ។
– នៅអាមេរិក គេមិនផឹកស្រាឡូឡាពីមុខក្មេងៗទេ ។ នៅវៀតណាមប្រើទាំងក្មេងឲ្យទៅទិញស្រា ពេលខ្លះបើយឺតត្រូវរំពាត់ទៀតផង ។
– ជនជាតិអាមេរិក ចូលហាងចំណីអាហារល្មមហូបអស់ តែនៅវៀតណាម ទាល់តែសល់ច្រើនទើបគេថា…ឡូយ! (អាមេរិកពោះធំជាងភ្នែក ចំណែកវៀតណាម ភ្នែកធំជាងពោះ) ។
– បើស្រលាញ់គ្នា អាមេរិកគេថើបគ្នាកណ្តាលវាល តែវៀតណាមថើបគ្នានៅទីងងិត ។
– នៅអាមេរិក ពុំចូលចិត្តសួររឿងប្រាក់ខែ អាយុ នៅវៀតណាមរឿងនេះ សួរដំបូងគេ ។
– អាមេរិកពុំចូលចិត្តជុំគ្នានិយាយដើមគេទេ នៅវៀតណាមវាជាប្រពៃណីទៅហើយ ។
– អាមេរិកខ្ពស់តែដើរលឿនៗ (ជំហានវែងៗ) វៀតណាមមាឌល្អិតតែជំហានខ្លីៗ យឺតៗ ។
– នៅអាមេរិកកាប់ឈើ១ដើម ត្រូវដាំ៣ដើម នៅវៀតណាមកាប់រាប់រយដើម តែគ្មានដាំមួយដើមណាទេ! ។
– នៅអាមេរិក គេឡើងឡានគឺបើក រីឯវៀតណាមឡើងឡាន គឺចុចស៊ីផ្លេ ។
– នៅអាមេរិកចិញ្ចឹមកូនតាមគំនិតរបស់គេ នៅវៀតណាមត្រូវធ្វើតាមគំនិតម្តាយក្មេក ។
– នៅអាមេរិកប្រជុំហើយចាប់ផ្តើមធ្វើ នៅវៀតណាមប្រជុំហើយនៅពិភាក្សា វែកញែក ។
– នៅអាមេរិក មុនទៅផ្ទះអ្នកណា ត្រូវទូរស័ព្ទសួរមុន ។ វៀតណាមវិញ ទៅដល់ផ្ទះហើយមិនឃើញទើបសួរថាៈ ទៅណាហ្នឹង?
– ជនជាតិអាមេរិក សួរយោបល់កូនពេលកើតមានបញ្ហា ចំណែកវៀតណាមវិញ ចាត់ទុកក្មេងមិនដឹងស្អី តម្រូវឲ្យស្តាប់តាមខ្លួន ។
– នៅអាមេរិករៀនច្រើន បណ្ឌិតតិច នៅវៀតណាមរៀនតិច បណ្ឌិតច្រើន ។
Copy#Vannath
Comments
Post a Comment