ចំណេះដឹងខ្លះៗដែលអ្នកត្រូវដឹងមុននឹងអ្នកយកកូន៖
បើយើងក្រលេកមើលសត្វមួយចំនួន មុនវាបន្តពូជពួកវាបានត្រៀមខ្លួនរួចជាស្រេចដើម្បីអនាគតតាមសុភាវគតិរបស់វា ដូចជាសត្វចាប វាបានត្រៀមសំបុកសម្រាប់កូនៗវា។ ចំពោះយើង តើអាចត្រៀមអ្វីខ្លះ?
1. មានលុយសម្រាប់មុនពេលសម្រាល និងក្រោយពេលសម្រាល ៖
a. លុយទិញអាហារចាំបាច់ ទាំងកូននិងម្តាយមុនពេលសម្រាលនិងក្រោយពេលសម្រាល
b. លុយទិញសម្ភារៈទុកសម្រាប់កូនតូច
c. លុយសម្រាប់ទុកការពារពេលកូនកើតមកមានជំងឺប្រចាំកាយពីកំណើត
d. លុយថ្លៃសម្រាលកូន
2. មើលពីស្ថានភាពអ្នកនឹងគ្រួសារ៖ បើអ្នកមានបញ្ហាហិរញ្ញវត្ថុចំណូលតិចឬមានបំណុលច្រើនអ្នកមិនត្រូវមានកូននៅពេលនេះបានទេ ។
a. អ្នកអាចគិតថាការមានកូនជារឿងស្រួលតែមិនបែបនេះទេនៅពេលដែលអ្នកគ្មានស្ថានភាពហិរញ្ញវត្ថុប្រសើរអ្នកយកកូនមកអ្នកកាន់តែពិបាក ។
b. ជីវិតមួយកើតមកមិនចង់ពិបាកទេ ដូចនេះបើអ្នកអត់កុំបង្កើតកូនមកអោយពួកគាត់មកវេទនាជាមួយអ្នក ។
c. អ្នកមើលទៅកាន់ក្មេងៗ ដែលម្តាយឪពុកមានជីវិភាពពិបាក តើអ្នកចង់អោយកូនអ្នកស្ថិតនៅក្នុងស្ថានភាពបែបនេះទេ ?
3. មើលពីស្ថានភាពពិភពលោក ទាំងសង្គ្រាម ទាំងអាកាសធាតុ រួមជាមួយវិបត្តិសេដ្ឋកិច្ច ៖
a. បើអ្នករស់នៅក្នុងប្រទេសកំពុងតែមានសង្គ្រាម ការយកកូនមិនត្រឹមត្រូវទេ ។
b. បើពិភពលោកកំពុងតែ នៅក្នុងភាពចលាចល ការយកកូនក៏មិនមែនជារឿងត្រឹមត្រូវដែរ ។
c. បើអាកាសធាតុ ពិភពលោកប្រែប្រួលខ្លាំងដែលពិបាកអោយជីវិតរស់នៅបាន អ្នកមិនត្រូវយកកូនទេ ។
4. ជីវិតរបស់អ្នកនឹងទៅជាយ៉ាងណានៅពេលដែលអ្នកមានកូន ៖
a. អ្នកទទួលបានភាពសប្បាយរីករាយជាងមុន
b. អ្នកបាត់បង់សេរីភាពជាងមុន
c. ចំណូលរបស់អ្នកមានអ្នកជួយចាយហើយ
d. ឪកាសការងារ ឬ ការរកស៊ី របស់អ្នកមិនដូចមុនទេ ដោយសារអ្នកមានកូនរវល់ច្រើន
e. អ្នកអាចត្រូវបានគេដេញចេញពីការងារក៏ទៅរួចបើអ្នកមិនបានទៅធ្វើការ ដោយសារអ្នកត្រូវមានការទទួលខុសត្រូវមើលកូនរបស់អ្នក ពេលពួកគេឈឺឬ គ្មានអ្នកមើលថែរ
5. ការរៀនសូត្ររបស់កូន ៖
a. អ្នកត្រូវមានលុយទុកអោយកូនរៀនសាលាល្អៗ
b. អ្នកត្រូវមានលុយទុកអោយកូនចាយវាយផ្សេងៗ
c. អ្នកត្រូវពិនិត្យមើលការរៀនសូត្ររបស់គាត់
6. ទំនាក់ទំនងគ្រួសារ រវាងប្តីនិងប្រពន្ធ ៖
a. តើប្តីអ្នកជាមនុស្សមានការទទួលខុសត្រូវទេ ?
b. តើអ្នកត្រៀមខ្លួនធ្វើជាម្តាយរបស់គេហើយឬនៅ?
c. បើប្តីប្រពន្ធរស់នៅមិនសូវចុះសម្រុងជាមួយគ្នា ការយកកូនមកហើយបែកគ្នា តើកូននឹងទៅជាបែបណា ? អ្នកធ្លាប់គិតទេ ?
7. នៅមានរឿងជាច្រើនទៀតដែលអ្នកត្រូវដឹងទាក់ទងជាមួយការមានកូន ហើយអ្នកអាចរៀនគិតតាមសំនួរទាំងនេះអ្នកប្រាកដជាអាចសម្រេចចិត្តបាន ៖
a. បើក្មេងៗនៅមានចំនួនតិច តើប្រទេសអាចរីកចម្រើនទៅលឿនទេ ?
b. បើយើងមានក្មេងៗ ច្រើនតែគ្មានគុណភាព តើយើងអាចរីកចម្រើនបានទេ ?
c. បើអត់ពីអ្នក ទាំងប្តីទាំងប្រពន្ធ តើកូនអ្នកមានអ្នកចឹញ្ចឹមជំនួសអ្នកទេ ? មានអ្នកអោយលុយកូនអ្នកចាយទេ ? តើគាត់ត្រូវដើររើសសំរាម ឬយ៉ាងណា ? មានអ្នកជួយទេ ?
d. តើអ្នកយកកូនមកដើម្បីអ្វី ? ជាភាពសប្បាយរីករាយ ឬ កុំអោយគេមើលងាយថាអត់កូនឬយ៉ាងណា ?
e. តើអ្នកអាចរកក្តីសុខអោយខ្លួនឯងបានទេ ?
f. បើអ្នកយកជីវិតមកហើយ អ្នកត្រូវពិបាកជាងមុន រួមជាមួយការពិបាកវេទនារបស់កូនអ្នកតើអ្នកចង់បានជីវិតបែបនេះទេ ?
បងប្អូនអាចគិតមើលបន្ថែមអ្វីដែលយើងលើកឡើងគឺជាការត្រៀមខ្លួនអោយបានល្អមុននឹងយកកូន បើអ្នកមានសមត្ថភាពគ្រប់គ្រាន់ហើយអ្នកអាចយកបាន ហើយយកតាមអ្វីដែលអ្នកចង់ តែបើអ្នកមានបញ្ហាច្រើន កុំយកពួកគេមកថែមបញ្ហាទៀតអ្វី ។
SUC NEWS
Comments
Post a Comment